زى النهاردة من سنه

قامت ‏‎Mona Hawas‎‏ بمشاركة ‏منشور‏ خاص بها.
6 ساعة · 




Mona Hawas
17 نوفمبر، 2013 · تم تعديله · 

(1)
زى النهاردة من سنة
الشمس وقفت ع الطريق
مستنيّاك
أول ما دبّت خطوتك
ف الأرض سَجَدت
كل أشواق السنين
لمجيِّتك
ومحبّتك
طرحت ورود ف السكّة
للعشّاق
والشمس ضحكت
ضحكة المشتاق
لحضن شارب من دفاها
ومبتسم
والابتسامة .....
في قاموس الشمس
إيد بتمسح
من قلوب الشقيانين
لمحة الغيم والألم
................
(2)
النهاردة الصبح
كان الجو بارد
والغيوم بتلف روحي
والمطر
غرّق عيون الأرض دمع
فألتقيتك ....
فوق دموع الأرض ضحكة
ومن غيوم القلب
شفت نهار جديد
شفت قلبك صفحة بيضا
سطرها منقوش حياة
النهاردة الصبح
كان الحلم بارد
بس شوقي لحضن روحك
لفلف القلب بدفاه
.......................
(3)
السنة الجاية
وزي النهاردة
ف نفس الميعاد
بينى وبين الشمس مقابلة
فإن كنت عايشة 
هنلتقي....
على نفس سكّة حبّنا
وإن عدّت روحك
مالقيتنيش
يبقي الحلم دفنِّي هناك
فانبش تحت الشجرة العالية
قبل طلوع الشمس بساعة
وازرع ضلعي الناقص فيك
وارفع عينك يمْ المطرة
هابعت روحى تبص عليك
جوّا عيون المطر الشاردة
وتحدد ميعادنا التانى
بعد سنة ....
أو حتى سنين
هنفضل 
على وعد لُقانا
زى النهاردة
::
منى حواس
من وحي اللحظة


أعجبني   تعليق   
مشاركة


أنت و‏‏8‏ آخرون‏ معجبون بهذا.
التعليقات


محمد اسماعيل محمد الله الله

أعجبني · رد · 22 دقيقة








المزيد من الأحداث