لنش وسفينة وضمان بحر وشمندورة

لنش وسفينه وضمان بحر وشمندورة
منورين اى كمان عشت يامعمورة
عاشق انا والمية راس مالى
علمنى ابويا زمان ما اسيبها للغالى
الصيادين الوان كالموجة ف الالحان
صياد بيرمى شباك يطرح بها الايام
والثانى ينصب جوبيا يمكن تصيد حنشان
وده غزل يامعلم جمع السمك الوان
وصاحبنا ده غلبان حداف وسناره
ممكن يجي له حيتاناو لوتا ودوبارة
ماهو ده كنال اجداد والرزق فيه الوان
بمبوطى اهو فى مركب بيلاغى سياحه
والله افتكرت الغم شهدا ثلاثة ماتو ا
فاكرين يا اهل الاصل ولا الى ماتو فاتوا
جنزير وهلب يابوى سقطوا على المركب
ماتوا الثلاثه شهدا ء وحالهم اتكركب
يا هلترى ولادهم هيركبوا بدالهم
ولامالهمش فى البحر ياكومنده
الله اعلم ياعم د حكايا قلبت بغم
وربنا يرحم
محمد اسماعيل