فنان وعا يش كدة انا وسط الوانى

محمد اسماعيل كتب:فنان وعايش كده انا وسط الوانى
ازاى اكون مغمور وناسى عنوانى
وابسط المخلوقات عنوانه منه ما فات
ان قلت لك نملة وسوادها لونه غطيس
تهشها تجرى تراقبها ماشيا بطيىء
تسألها رايحه فين تجاوبنا بالحركات
وكأنها فى دعاء للواحد الدايم
فنان انا ومغمور وناسى عنوانى
عجبى عليك يا زمان توهتنى تانى
ازاى اكون مغمور وانسى لعنوانى
اقولكم حكايا
صورت نملاية واقفة مع مرايه
الصورة طالعه اثنين
اجمل من الاصلين
بس الحقيقة واحدة واقفةمع مرايه
مسكت ان ريشتى وجبت الوانى
رسمت انا مرايه قدامها نملاية
علشان اشوف نفسى
عايش انا ومغمور وعرفت عنوانى
عنوانى ضلايه مددت انا فيها
بعدت عن دنيا فيها الوحوش كاسرة
وانا تحت شجرايه
اتامل النمله على فرع شجراية
عرفت انا قيمتى وانا تحت ضلايتى
مسكت الوانى وبدات من تانى
قالت د عنوانى فى شق شجراية
اياك ما تعرفنى واوعاك تكون ناسى
انا ليا سورة باسمى نزلت لى ف القران
قلتلها حالنا واحد مانا ليا سورة كمان
نزلت لى ف القرأن واسمها الانسان
هنخش ليه ف ماتاهات
متنزلى لى عشان
ارسم انا لوحتى واعرضها ع الايام
دى حكايتى مع نمله ظنيت بدون عنوان
اتارى دى نمله واقفة مع مراية
والتانية دى ف شقها وانا تحت ضلايه
ده شق شجراية من صنع نملاية
اهى كل دى حكايتى ماهى دنيا نساية
والنمل ده حكاية مملكته دى مدرسة
تعلم الايام

محمداسماعيل