نــور المكان
اهلا ومرحباا عزيزى الزائر

فى منتدى نور المكان

نحن بحاجة الى مشرفين ومراقبين

اذا اردت سارع بالتسجيل .

اشعار د منى حواس

استعرض الموضوع السابق استعرض الموضوع التالي اذهب الى الأسفل

اشعار د منى حواس

مُساهمة من طرف محمد اسماعيل في الثلاثاء نوفمبر 10, 2015 6:03 pm

ديما مبدعة       
تم الرد من قبل ‏‎Mona Hawas‎‏ على ‏تعليق‏ على هذا.







Mona Hawas
‏12 أكتوبر‏، الساعة ‏07:33 صباحاً‏ · 

وان كنت صحيح ناوي تسافر
ما تغبش كتير
ده مالوش تفسير
اللي بيحصل وقت غيابك
غير إني باموت
والروح بتفوت
من غير ما تسيب
للضلع النابض جوّايا
منفد لحياة!!!!
………………………
ولأول مرة باحس الآه
اللي بتوجع.....
ولأول مرة باحس الوجع
اللي بيسرق
قلب الأحباب
فكفاية غياب
بالشوق نتعذب والحُرقة
نتلاقي نفكّر ف الفُرقة
إنْ كنّا حبايب نتألم
وإن كُنّا اغراب!!!
…………………
وما فيش أسباب
أقدر اقولهالك عن شوقي
لرجوعك وسكونك يومي
وعن خوفي الدايم من بُكرة
في حضورك
برضه ماليش أسباب
………………………
مسكين الباب المستنّي
دقّة أطرافك
وما بتجيش......
مسكين العيش المخبوزلك
بعجين الروح....
بيعيش مستنّي إنك تيجي
يلاقيك بتروح
فيبات مجروح
ودموعي تبلُّه فيتفتّت
ولا عمر الغربة تلم دموع
ولا شُرب الدمع يرُم ضلوع
فإنْ كنت صحيح ناوي تسافر
إبقى إنوي رجوع..!!!!
::
منى حواس
avatar
محمد اسماعيل
مدير الموقـع
مدير الموقـع

عدد المساهمات : 1099
تاريخ التسجيل : 26/01/2011
العمر : 53

http://norr.forumegypt.net

الرجوع الى أعلى الصفحة اذهب الى الأسفل

شاهد ذكرياتك

مُساهمة من طرف محمد اسماعيل في الثلاثاء نوفمبر 10, 2015 6:28 pm










Mona Hawas
‏8 نوفمبر‏، الساعة ‏05:04 مساءً‏ · 

‫#‏شاهد_ذكرياتك‬



Mona Hawas
8 نوفمبر، 2013 · 

(1)
الليل رمالي ضحكته
ف غنوة القمر المسافر
فوق عيون الناس
والناس رمت لي كدبها
ف دمعة الليل المهاجر
جوّا قنديل الفراق
والاشتياق .......
بيكون زيادة حبّتين
لما بيكون اللي بينّا 
انسداد .... 
في شرايين اللقا 
تعرف ساعتها 
يعنى ايه موجوع أوي
ضلعك يحس بكل دقة
يعنى ايه كلمة شقا؟ّّّّّ!!!
..................
(2)
كان نفسي أفهم من زمان 
إيه العلاقة
مابين دموعي وضحكتك
ليه كل ماامشي فوق طريق
ألاقي آخره سكّتك
بقالي قرنين 
من دموع القلب باحسب
هوّ الزمن
بيكون ف الحب أطول
ولا الألم 
بيكون ف القرب أسهل؟!!!
بقالي قرنين م الوجع
بسأل.....
هو احنا حفنة من تراب
ولا إحنا حفنة من وجع
ليه عز فرح الناس
بنتغطي بدموع 
وعز الخطوة ماتقدّم 
نلاقي رجوع 
وكل القلب مابيضحك 
يبات موجوع؟!!!
إيه العلاقة ....
بين ضلوعى ودمعتك
طب ضحكتي
مخلوقة منك ؟!!!
ولاّ من دمع الضلوع؟
...............
(3)
فُكّوا حزام القلب
وبلغوا الروح تستعد 
للهبوط الاضطراري 
فوق صحاري الاحتياج
فكّوا العيون من حبسها
وارموا النظر 
كام ألف ميل م الانسحاب
عشق السحاب 
يشبه ليالي المحتاجين
وقت الغرق لإيدين
تشبك حلمهم بالشط
وتزرع ضلعهم ف الأرض 
فينبت من موات الشوق 
حياة للناس 
وينبت من موات الناس 
حياة للشوق
ويبنت مننّا دمعة 
يزوّق قبرنا بيها 
ويرسم قلب كان رافض 
يشد حزامه للأحلام 
ويحضن روحه ف هبوطها 
وبيعافر عشان ينزل
على أرض اللقا بسلام
فمن كتر انه عافر.... 
مات!!!!!!
::
منى حواس
" من وحي اللحظة"
avatar
محمد اسماعيل
مدير الموقـع
مدير الموقـع

عدد المساهمات : 1099
تاريخ التسجيل : 26/01/2011
العمر : 53

http://norr.forumegypt.net

الرجوع الى أعلى الصفحة اذهب الى الأسفل

رد: اشعار د منى حواس

مُساهمة من طرف محمد اسماعيل في الثلاثاء نوفمبر 10, 2015 6:32 pm

‏ ‏2‏ عامان مرا حتى اليوم
شاهد ذكرياتِك





Mona Hawas
6 نوفمبر، 2013 · 

رجع الغريب
لبلاده بالفرحة
مادد دراعاته
وفارد الأحضان
وبلاده مش عارفاه
قَدَر الولد غُربته
عاش فيها متغرّب
وسابها مستغرّب
إنّها سايباه
لَفْ ورِجع تاني
فاكر هيوحشها
زى امّا كات وحشاه
راجع ولسّه غريب
وبلاده مش فاكراه
::
منى حواس
avatar
محمد اسماعيل
مدير الموقـع
مدير الموقـع

عدد المساهمات : 1099
تاريخ التسجيل : 26/01/2011
العمر : 53

http://norr.forumegypt.net

الرجوع الى أعلى الصفحة اذهب الى الأسفل

رد: اشعار د منى حواس

مُساهمة من طرف محمد اسماعيل في الثلاثاء نوفمبر 10, 2015 6:35 pm

[list="_2t4u clearfix"]
آخر الأخبارMona Hawas‏6 نوفمبر‏، الساعة ‏09:55 مساءً‏ · كنت بااحاول اكتب ما يشبه الشعر ‫#‏شاهد_ذكرياتك‬Mona Hawas6 نوفمبر، 2012 · لو الحياة وردةكان البشر شمّهالكنّها مسافاتنجري ونوصلّهاعمرك بيسقط ورقترميك ورا ضهرهاتضرب عشان توجعكترفع عينيك للسماتشدّك أرضهاوف همها توقّعكمهما بتبعد عنّهاسيف الحياة يهزمك وبيقسمك نُصّينأبيض بلون حلمكوأسود بقلب حزينبس السواد سارحبياكل الأحلاموالقلب لو طارحوردة دفا وسلامشوك الخطاوي يتبدريفرش بوجعه أرضهاولا حد داق طعم الوجعغير اللي داسها وحسّهاهى الحياة طول عمرهاشوكها محاوط طبعهالو تطرح الأيام ورودكل البشر هتشمّها::منى حواس" طبع الحياة"
[/list]
avatar
محمد اسماعيل
مدير الموقـع
مدير الموقـع

عدد المساهمات : 1099
تاريخ التسجيل : 26/01/2011
العمر : 53

http://norr.forumegypt.net

الرجوع الى أعلى الصفحة اذهب الى الأسفل

رد: اشعار د منى حواس

مُساهمة من طرف محمد اسماعيل في الثلاثاء نوفمبر 10, 2015 6:39 pm












Mona Hawas
‏5 نوفمبر‏، الساعة ‏03:00 مساءً‏ · 

مش جديد البُعد يعني
ما انت غاوي ف عِز قُربك
تعكس الضحك بمرايتك
وامّا تبعتْ لي ابتسامتك
تجري تبعت لي الدموع
وامّا اعاتبك ....
ألقي صوت جوّاك يقول:
" هىّ خِربت ؟!!!
انشغلت شويّة عنِّك
فيها حاجة ؟!!! "
فوق شفايفَك....
ألقى بسمة مرسومالي
والغريبة.....
إني بارضى بابتسامتك
واقتنع إنِّي ظلمتك
واعتذر لك رغم انّك
هِنت روحي كتير ببُعدك
وامّا تيجى تقول لي مالِك
قلبي بيقول لك : سلامتك
::
منى حواس



إعجاب   تعليق   
مشاركة


محمد اسماعيل‏ و‏أشخاص اْخرون عدد ‏44‏‏ معجبون بهذا.
3 مشاركة
التعليقات

عرض 4 تعليقات إضافية


Rami Al-shamy وانا قلبي بيقولك سلامتك
الرقة والإحساس أنتي
صدقاً


إعجاب · رد · 1 · ‏5 نوفمبر‏، الساعة ‏09:13 صباحاً‏



Mona Hawas تسلم يا صديقي الرائع ويسلم ذوقك


إعجاب · رد · ‏6 نوفمبر‏، الساعة ‏09:47 صباحاً‏



محمود نبيل العيساوي موسيقى عالية - لكن ده ميأثرش على ملامح الصور الداخلية - عمقي المعنى أكتر سيبيني افكر في النص أكتر من كده 
أبدعتي


إعجاب · رد · 1 · ‏5 نوفمبر‏، الساعة ‏09:54 صباحاً‏



Mona Hawas شكرا لمرورك الراقي ورؤاك الأكثر رقيا وعمقا ، تسلم يا صديقي الرائع ، سعدت بك جدا


إعجاب · رد · 1 · ‏6 نوفمبر‏، الساعة ‏09:49 صباحاً‏



عرض المزيد من الردود


محمد اسماعيل قلب طيب مايتعيييب تسلمى وكل القلوب المجروحين


إعجاب · رد · 1 · ‏5 نوفمبر‏، الساعة ‏11:56 صباحاً‏



Mona Hawas تسلم يااستاذنا ويسلم قلبك الجميل


إلغاء إعجابي · رد · 1 · ‏6 نوفمبر‏، الساعة ‏09:49 صباحاً‏



Medhat Kassem على فكرة انت مالكيش حل


إعجاب · رد · 1 · ‏6 نوفمبر‏، الساعة ‏02:18 مساءً‏



Mona Hawas وعلى فكرة انت صديقي الراقي جدا اللي بقالنا سنين مش عارفين نتقابل smile رمز تعبيري


إعجاب · رد · 1 · أمس الساعة ‏07:42 صباحاً‏



عرض المزيد من الردود
avatar
محمد اسماعيل
مدير الموقـع
مدير الموقـع

عدد المساهمات : 1099
تاريخ التسجيل : 26/01/2011
العمر : 53

http://norr.forumegypt.net

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى