ايه الضجة دى هو احنا حنهاجر تانى ؟؟؟

ايه الضجة دى هو احنا حنهاجر تانى ؟؟؟
طيب على فين الحزن رايح بينا ؟؟
على فين الاخ مودينا ؟؟
طب لما هاجرنا ايام الحرب ..
الضرب قنابل حوالينا ..
كان لما بيضرب فى ال مية
تقلب مركب فيها الاطفال
فيها الاولاد فيها أم بناتى المصرية ..
طب أهاجر ليه ؟؟قالوا الصهيونى ..
جه فى ال مية . قلتلهم قاعد وعنيا..
وقعدت أنا وحدى ياقاهرية .
استنى جنود فرنسية
أوحتى جنود اليهودية
بريطانيا العظمى ياقاهرية ..
أنا وحدى وقفت وفدائيه..
نضرب ونموت لفداء الاوطان العربية
انا بصمد بس امام الصبر ..
الصبر له ناسة ياقاهرية ..
بحكيلكم بس ودى نبذة ..
تحكوها لألتراس همجية ..
عن كل رجالنا البحرية .
فجرنا ايلات . ووضربنا الكمب وفجرناه .
دنا بلدى كلها فدائية
اسأله مهران ؟؟
رمز العيون والقرنية
لجل انتى تعيشى ياقاهرية
ووعروسة النيل المصرية ..
مرهاوس .. خطفوه فدائية .
طب كنتوا فين ياقاهريا ؟؟
مدن القناة
يضربها جنود اليهودية ؟؟
لاكن لاكن ؟؟؟
على مين الهجمة الهمجية ؟؟
على بورسعيد ام الرجالة المصرية ؟؟
يالاميس ياشوبير ياعلاء صادق ..
شلبوكة وكل الفضائية ..
مش عيب الهجمة الهمجية ؟؟
ولا الدولارات يامرتزقة ..
هى ال تفرق أخوية..
أفجر اعلام وأذل .كلام ..
يتقالنا احنا يافضائية ؟؟
احنا الرواد .
احنا ال كنالنا بياكلوا جمال
والشلة الفاجرة الحرامية
ويعطوكم مال
ورق أخضر طالع من مية
دا كنالى وأرضى
وأرض جدودى بورسعيدية
وحميتها زمان
وماكنش فى ايدى غير علمى
وقدرت أطفش همجية
بكرة الايام تثبت للكون
ان بلادنا مش هيا الخاينه ياقاهرية
الخاين . زاهر وجنوده
وال يطبل فى الفضائية
وال فى صندوق نايم يضحك
على كل شبابنا المصرية
والامن الفاشل والعسكر
وسكوت الامة العربية
بلدى أحرار وتصد هجوم الهمجية
والعين صاحية . لحد صلاة الفجرية
تحرس وتقول .. يرحم شهداءنا الثورية
محمد اسماعيل

على مين الهجمة الهمجية ؟؟
على بورسعيد ام الرجالة المصرية ؟؟

ايه الضجة دى هو احنا حنهاجر تانى ؟؟؟

ايه الضجة دى هو احنا حنهاجر تانى ؟؟؟

رد: ايه الضجة دى هو احنا حنهاجر تانى ؟؟؟